កាលពីពេលថ្មីៗនេះ រូបភាពទារក ដែលលូតលាស់មិនទាន់ គ្រប់ខែ នៅក្នុងផ្ទៃម្ដាយ និងត្រូវចេញមកស្គាល់ពិភពលោកនោះ ត្រូវបានធ្វើការចែក ចាយពាសពេញ អ៊ិនធើណេត ដែលបានក្លាយជាប្រធានបទដ៏សោកសង្វេគមួយ។
តាមសារព័ត៌មានបរទេស បានឲ្យដឹងថា ស្ដ្រីជាម្ដាយនេះមានឈ្មោះថា Lexi Oliver Fretz ជាអ្នករស់នៅក្នុងសហរដ្ឋអាមេរិក ដែលកាលពីពេលកន្លងទៅនេះ នាងបានសម្រាលកូនប្រុស ដែលនាងពរពោះ បានត្រឹមតែ ១៩អាទិត្យ ៣ថ្ងៃប៉ុណ្ណោះ ឬ ៤ខែ៣អាទិត្យ ដែលមូលហេតុដែលបណ្ដាលឲ្យ ស្ដ្រីនេះសម្រាលកូនមុនកំណត់ មិនត្រូវបានបញ្ជាក់នោះទេ។ ជាមួយគ្នានោះ បានឲ្យដឹងថា ទារកនេះត្រូវម្ដាយដាក់ឈ្មោះថា Walter Joshua Fretz ដែលមានទំងន់ត្រឹមតែ ២២៧ក្រាម និងកម្ពស់ ២២.៩សង់ទីម៉ែត្រទេ។ យ៉ាងណាមិញ ដោយសារតែកើតមក មិនគ្រប់ខែ ទើបទារកនេះស្លាប់ទៅវិញ ក្រោយពីឃើញពិភពលោកបាន ក្នុងរយៈពេលតែប៉ុន្មាននាទីប៉ុណ្ណោះ។ ដោយសារតែ មានទុក្ខក្រៀមក្រំ នឹងការស្លាប់របស់កូនប្រុសរបស់ខ្លួន ទើបនាងសម្រេចចិត្ដបង្ហោះរូបភាព របស់កូនប្រុសខ្លួន និងដើម្បីជាការដាស់តឿន ដល់ស្ដ្រីគ្រប់រូបកុំធ្វើការរំលូតកូន ដោយសារតែមនុស្សគ្រប់គ្នាតែងតែ ចង់រស់រានមានជីវិត ដែលសូម្បីតែកូនរបស់នាង ក៏ចង់មានជិវិតរស់នៅ ដើម្បីស្គាល់ពិភពលោកនេះដែរ តែបែរជាមិនអាចទៅរួច។
តើប្រិយមិត្ដយល់យ៉ាងណា ដែលម្ដាយម្នាក់បានបាត់បង់កូនទី ស្រឡាញ់របស់ខ្លួន ដែលខ្លួនព្យាយាមពរពោះ តែបែរជាស្លាប់វិញនោះ?
(រូបភាពប្រហែលជាធ្វើឲ្យប៉ះពាល់ដល់អារម្មណ៍ និងទឹកចិត្ដដល់ប្រិយមិត្ដ)
ប្រភពពី៖ www.khmerload.com
