ម៉ូតូ​ ២គ្រឿង​ បុក​គ្នា​ពេញ​ទំហឹង​មុខ​ផ្សារ​ហេង​លី​ របួស​ ៣នាក់​

https://camnews7.blogspot.com/2013/09/blog-post_25.html

រាជធានីភ្នំពេញ ៖ ម៉ូតូសង់កូរ៉េ ពណ៌ក្រហម ១គ្រឿង ពាក់ស្លាកលេខ ភ្នំពេញ 1AY-5442 ជិះដោយបុរសម្នាក់ ធ្វើដំណើរតាមបណ្តោយផ្លូវលេខ២៧១ ក្នុងល្បឿនលឿនទិសដៅពីត្បូងទៅជើង ខណៈមកដល់ចំណុចមុខផ្សារហេងលី ស្រាប់តែជ្រុលចង្កូតទៅបុកពី ក្រោយម៉ូតូឌ្រីមC110 ស៊េរីឆ្នាំ២០០១ ពណ៌ក្រហម ១គ្រឿង ពាក់ស្លាកលេខ ទ-8471 ភព1 ជិះដោយ ២នាក់ ប្តីប្រពន្ធ យ៉ាងពេញទំហឹង បណ្តាលឲ្យម៉ូតូដួលគរលើគ្នា ចំណែកអ្នកទាំង៣ របួសស្រាលរលាត់ដៃជើង ។

ហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង ១០ និង ០៥នាទី យប់ថ្ងៃទី២៤ កញ្ញា ២០១៣ ស្ថិតក្នុងសង្កាត់ទឹកល្អក់ទី៣ ខណ្ឌទួលគោក ។ ក្រោយកើតហេតុ ភាគីទាំងពីរបានធ្វើការសម្របសម្រួលគ្នា ដោយភាគីម៉ូតូសង់កូរ៉េជួយដឹកអ្នករងរបួសទៅព្យាបាល និងចេញថ្លៃព្យាបាលឲ្យភាគីម៉ូតូឌ្រីម ៕