អាវពណ៌លឿងដែលកំពូលក្បាច់គុណ Bruce Lee ដែលប្រិយមិត្តស្គាល់ថា លី សៀវឡុង ពាក់សម្ដែងក្នុងខ្សែភាពយន្តចុងក្រោយ ត្រូវគេយកទៅដេញថ្លៃ និងលក់បានក្នុងតម្លៃ ១០ម៉ឺនដុល្លារអាមេរិក។
លោក លី សៀវឡុង បានស្លាប់ក្នុងឆ្នាំ១៩៧៣ ក្នុងវ័យ ៣២ឆ្នាំ មុនពេលរឿង“ល្បែងមរណៈ”(Game of Death) ត្រូវបញ្ចប់។ ក្នុងឈុតមួយនៃរឿងនេះ គាត់បានពាក់អាវយឺតពណ៌លឿងយ៉ាងសង្ហាប្រយុទ្ធជាមួយគូសត្រូវ។ ប៉ុន្តែទោះបីជាយ៉ាងណា របាយការណ៍ពីផ្ទះដេញថ្លៃទីក្រុងហុងកុងបានឱ្យដឹងថា អាវនេះបានខូចរូតខណៈពេលគាត់កំពុងថតសាច់រឿងនាពេលនោះ។
អាវយឺតពាក់បានប្រហែល៣ដងនេះ ជាអាវជ្រើសរើសដោយលី សៀវឡុង មានតម្លៃ ២៥៨ ០០០ដុល្លារអាមេរិក។ វត្ថុផ្សេងទៀតដូចជា ដំបងពីរកំណាត់ nunchaku របស់តារារូបនេះជាដើម ក៏ត្រូវបានគេដាក់ដេញថ្លៃដែរ ដោយលក់បានតម្លៃ ៧ម៉ឺនដុល្លារអាមេរិក បានលើលោក George Phillips ជនជាតិអង់គ្លេស។ យ៉ាងណាមិញ ប្រភពមិនបានបង្ហាញអត្តសញ្ញាណអ្នកឈ្នះដេញថ្លៃអាវយឺតឡើយ៕
ដោយ nob70
ប្រភព៖ Asiantown
