https://camnews7.blogspot.com/2013/09/blog-post_4709.html
កោះកុង : រថយន្តក្រុងក្រុមហ៊ុន រិទ្ធី មុនី បានបើកទៅបុក ចំពាក់កណ្តាលរថយន្តដឹក ស៊ីម៉ង់ត៍ នៅចំណុចភ្លើងស្តុប មុខធនាគារ អេស៊ីលីដា ក្រុងខេមរភូមិន្ទ ខេត្តកោះកុង កាលពីវេលាម៉ោង ១និង៣០នាទី ថ្ងៃទី២៤ ខែកញ្ញា នេះ បណ្តាលឲ្យអ្នកបើករថយន្តក្រុង គាបជាប់ជើង ដកមិនរួច ។
សាក្សីនៅកន្លែងកើតហេតុ បាននិយាយថា រថយន្តក្រុង រិទ្ធី មុនី ដែលបង្កគ្រោះថ្នាក់ចរាចរខាងលើនេះ ពាក់ស្លាកលេខភ្នំពេញ 3B-4848 ទើបធ្វើដំណើរមកពីទម្លាក់ភ្ញៀវ ។ ក្រោយកើតហេតុ សមត្ថកិច្ចបានចុះ ទៅជួយកាត់គាស់យកជនរងគ្រោះ ជាអ្នកបើករថយន្ត ដែលគាបជាប់ក្នុងកាប៊ីនរថយន្ត ដើម្បីយកទៅ សង្រ្គោះ នៅឯមន្ទីរពេទ្យ ៕
