ដំណឹងទូរសព្ទត្រកូល Nexus ជំនាន់ថ្មីដែលជាសមិទ្ធផលរួមគ្នារវាង Google និង LG គឺ Nexus 5 បានមកដល់ទៀតហើយ។ Smartphone ដែលនឹងបានភ្លក់ប្រព័ន្ធប្រតិបត្តិការ Android ជំនាន់ថ្មីចុងក្រោយគឺ Android 4.4 KitKat មុនគេនេះនឹងបង្ហាញរូបរាងពិតក្នុងថ្ងៃទី ៣១ ខែតុលាខាងមុខ។
Nexus 5
ប្រភពបានឱ្យដឹងទៀតថា Google Nexus 5 រំពឹងថានឹងចេញលក់នៅហាងមួយចំនួនក្នុងប្រទេសកាណាដាដូចជា Rogers, Telus, Bell, Koodo និង Virgin នៅថ្ងៃទី៧ ឬទី៨ខែវិច្ឆិកាក្រោយនេះ។ លក្ខណៈសម្បត្តិខ្លះៗដែលធ្លាប់បានអះអាងនៅលើ Nexus 5 រួមមាន៖ អេក្រង់ ៥អ៊ីញ full HD មាន resolution ទំហំ 1920 x1080px។ បំពាក់ chip របស់ក្រុមហ៊ុន Qualcomm ប្រភេទ Snapdragon 800 ល្បឿន 2.2GHz ឬ 2.3GHz និងមាន RAM ទំហំ 2GB។
ចំណែកទំហំ Memory ម៉ាស៊ីនមាន ២ជម្រើសគឺ 16/32GB ដូចដែលបានបង្ហោះនៅលើ Google Play ពីពេលថ្មីៗនេះ តែមិនបានប៉ុន្មានផងក៏ត្រូវបានគេលុបចេញវិញ។ កាមេរ៉ា Nexus 5 នឹងមានទំហំ 8MP និងខាងមុខ 1.3MP ភ្ជាប់ជាមួយបច្ចេកវិទ្យា ISO ថតវីដេអូបាន full HD ក្នុងកម្រិតភិចហ្សែល 1080p។
តម្លៃមិនផ្លូវការចេញពីប្រភពថា Nexus 5 ទំហំ 16GB និងមានតម្លៃ ៣៥០ដុល្លារ តែសម្រាប់ 32GB ពុំទាន់មានប្រភពណាអះអាងនៅឡើយ៕
សូមចុចអាន៖ Nexus 5 និង Galaxy S5 កក្រើកសម្បើមណាស់ប៉ុន្មានថ្ងៃនេះ
