https://camnews7.blogspot.com/2013/10/blog-post_3271.html
ភ្នំភ្លើងដែលខ្ពស់ជាងគេបំផុតនៅទ្វីបអឺរ៉ុបមានឈ្មោះថា Etna មានទីតាំងនៅអ៊ីតាលីបានផ្ទុះ កាលពីថ្ងៃសៅរ៍ ទី ២៦ តុលា ម្សិលមិញ។
កំដៅរាប់ពាន់អង្សាEnta បានដុះរំលាយថ្មភ្នំរាប់សិបតោន ព្រមទាំង បង្ហុយផ្សែងខ្មួលខ្មាញ់ក្រាសឃ្មឹកទៅលើអាកាស។ មិនត្រឹមតែកំអែ ផេះផង់ ហុយពាសពេញ កោះSicily ភាគខាងត្បូងប្រទេសប៉ុណ្ណោះទេ ប៉ុន្តែ កម្ដៅក្ដៅពេញអាកាស ក៏បានផ្អាកជើងហោះហើរនានារបស់អាកាសយានដ្ឋានCatania ដែលស្ថិតក្នុងតំបន់កើតហេតុខាងលើដែរ។
បើតាមសេចក្ដីរាយការណ៍របស់ The Guadian និងMirror បានឲ្យដឹងថា នៅតាមជម្រាលភ្នំ មានភូមិ និងចំការទំពាំងបាយជូរជាច្រើនរាប់មិនអស់។ បើទោះបីជាស្ថិតក្នុងសភាពប្រុងជើងការបែបណាក្ដី អាជ្ញាធរមិនបានជម្លៀសអ្នកភូមិចេញទេ។ យ៉ាងណាមិញមិនទាន់មានការបូកសរុបរបាយការណ៍ណាមួយបញ្ជាក់ពីផលប៉ះពាល់ ឬខូចខាតនៅឡើយទេ។
វីដេអូ៖
http://youtu.be/dhC_hTFrTfU
ភ្នំភ្លើង ដែលខ្ពស់បំផុតប្រចាំទ្វីបអឺរ៉ុប មានកម្ពស់ រហូតដល់ទៅ ៣ ២៩៥ម៉ែត្រ របស់អ៊ីតាលីមួយនេះ មិនមែនទើបតែផ្ទុះលើកទីមួយទេ ប៉ុន្តែEnta បានផ្ទុះម្ដងរួចមកហើយកាលពីឆ្នាំ ១៩៩២។
ប្រភព៖ huffingtonpost
